Vipul Shah/Reliance produced aur AR Murgadoss directed Holiday military officer Capt Viraat Bakshi ki chuttiyon ki kahain hain.
Chuttiyon mein Viraat apne liye shaadi ke liye ladki dekhta hain, pariwar/ doston ke sang samay bitata hain aur 40 dinon ke andar terrorist gang ka sarvanash bhi karta hain!
Holiday dekhne ki 4 vajah hain. Ek, ye Sleeper Cells ke baare mein hain– yaane aise criminals, jo hamare aas paas, aam zindagi jeene walon mein se hain jo desh drohi hote hain aur jo iss vishay par ye pehli Hindi film hain.
Do film ka jaanbaaz action aur gripping screenplay.
Teen, film ki attractive starcast. Akshay ke dost ki bhumika mein Dipinder Sharma, uske senior ki bhumika mein Govinda aur premika ki bhumika mein Sonakshi Sinha ek naya rang late hain.
Char, Akshay Kumar jo jaan leva action ke saath saath aapka bharpur manoranjan bhi karte hain.
Paanch, film ka social message: ek scene mein army officer apni behan se poochte hain, ‘Kya desh ki suraksha sirf army officer ka farz hain, ek civilian ki koi zimmedari nahi hoti?’
Crime world ko ek alag nazariye se pesh karne ke liyeHoliday ko Big Entertainment Ratings milte hain 4 stars
Reviews by Bhawana Somaaya
No comments:
Post a Comment