Vashu Bhagnani produced aur Sajid Khan directed, Humshakals, ek nahi, do nahi, teen kirdaron ke teen, humshakalon ki kahani hain.
Abhi tak humne zyadatar, ek actor ke humshakal, yaane double roles ki filmein dekhi hain, jaise Ram aur Shyam yaSeeta aur Geeta.
Gulzar sahab ne pehli baar, Shakespear ki Comedy of Errors par adharit, double actors ko double roles mein pesh kiya tha, Angoor mein.
Hindi cinema mein, sirf do super stars ne ek film mein teen roles, jaise ek baap aur do judwa bête ki bhumikaein nibhayi hain. Dilip Kumar ne Bairaagmein aur Amitabh Bachchan neMahaan mein!
Aisi filmon mein aksar, ek character serious hota hai, jo drama pesh karta hain aur doosra character, hasmukh hota hai, jo comedy karta hain!
Sajid Khan ki Humshakal mein teeno actors, Saif Ali Khan, Ritesh Deshmukh aur Ram Kapoor teeno roles mein slapstick comedy karte hai.
Aisi filmo mein kaun, kya karta hai se zyada, kaun, kaise karta hai, zyada maine rakhta hain.
Magar Saif Ali Khan, Ritesh Deshmukh aur Ram Kapoor, kyun aur kya karte hai sirf director Sajid khan jaante hain.
Kahani illogical hain, jokes stupid aur characters brainless. Behtar hoga agar aap apne humshakal ko ye film dekhne bheje.
Humshakals ko Big Entertainment Ratings milte hai 1.5 stars.
Reviews by Bhawana Somaaya
No comments:
Post a Comment